小販需要香港人，香港人亦需要小販

【小販需要香港人，香港人亦需要小販】

小販，我地由細食到大，細個嗰陣，見到小販我地都滿心歡喜。小販由木頭車、食物、擺檔，全部親力親為，只係賺返基本生活所需。但我地長大後，點解要喺街上面搵一個小販都咁難呢？因為政府拒絕還市民使用公共空間嘅權利。

唔知各位街坊對小販仲有無印象，但我想問各位一個問題：各位有見過大型商場入面，不時都會有模仿小販攤擋嘅佈置，然後就會有好多人影相打卡；大家覺唔覺得好可悲呢？小販作為香港本土文化一環，點解會淪為商場嘅擺設？

大財團同政府夾手夾腳，剝奪市民使用公共空間嘅自由，加上我地過去對呢件事冷漠，令小販墟市不復存在。我地唔想早、午、晚三餐，都被迫幫襯同一大集團底下嘅唔同分店，過一種大財團指定嘅生活方式。我地要求政府規劃墟市、重發小販牌，還香港人選擇嘅權利。

小販需要香港人，香港人亦需要小販。

家樂　小麗同行者

【教室 Telegram 頻道】 telegram.me/siulaidemocracy
【同行，就有希望：成為小麗同行者】 bit.ly/siulaicompanions
【支持教室的工作】 siulai.hk/donate

---